description

17.9.06

Fotos. Esas cabronas

Cantas veces nos ten pasado que queremos adornar un pouco o que escribimos no blog coma quen que lle damos un pouco de atractivo visual e botamos man dunha foto. Mesmo penso que, en ocasións, a nosa idea é colgar unha foto-capricho para a que escribimos calquera cousa e así xustificar que figure na entrada. Outras razóns haberá para poñer fotos nos blogs. Tantas coma blogueiros e blogueiras que as colgamos. Todas e todos igual de respectables.
Mais o problema é atopar a foto que, en determinado momento, ilustre de xeito perfecto a entrada coa que andamos a voltas. Afortunados os que atopen unha no seu disco duro. Si non é así, non serei eu quen recomende non botar man das que atopemos pola rede por mor dos dereitos adquiridos. Cadaquen sabe o que fai; pero estaría ben pensar nas opcións libres de dereitos que tamén andan por aí colgadas. A foto que vedes é unha delas. Saíu de morguefile . Unha das moitas páxinas nas que podes remexer, atopar e usar todas cantas fotos consideres (e son bastantes). Tampouco pensedes que son todas unha marabilla. Hai de todo e para todo.
O da foto de enriba foi por puro azar. Hainas ben máis bonitas e tamén moito máis feas. O atractivo visual das fotos depende do atractivo contemplativo de quen as mira.

2 comentários:

Anónimo disse...

Máis claro, auga (da dos Ancares, que non de Rianxo). Está ben claro que é máis doado crear un comentario para unha foto que atopar unha foto para ilustrar un comentario. Así andamos, a "salto de mata", que non somos quen de facer unha páxina coherente. Pero, por agora, é o que hai, e como di o vello "A vida é dura e hai que roela". A ver se comezamos a fiar máis fino de agora en diante.

Anónimo disse...

Concordo co que dis -o atractivo da foto depende de quen a mira, sen dúbida.

Unha aperta é a primeira vez que paso por auqí.
:)